ඔබගේ නිවසට ගැලපෙනම තිරරෙදි වර්ග තෝරා ගනිමු.

කාමරේක ඇතුලාන්තය අංගසම්පූර්ණ වීමට අවශ්‍යම අංගයක් ලෙස තිර රෙදි හැඳින්විය හැකිය. ඔබගේ නිවස තුළ තත්ත්වය වැඩි දියුණු කර ගැනීම සඳහා ගැලපෙනම තිරරෙදි තෝරාගන්නේ කෙසේද යන්න  පිළිබඳව දැන සිටීමද  අත්‍යවශ්‍ය කරුණකි. අද අපි මෙම ලිපියෙන් ඔබට පැහැදිලි කරන්නේ ඔබගේ නිවස අලංකරණයට යොදා ගත හැකි ශීර්ෂ මෝස්තර අනුව වෙන් කෙරුණු තිර රෙදි වර්ග කීපයක් සහ ඔබේ නිවසට ගැලපෙන්නට තිර රෙදි තෝරා ගන්නේ කෙසේ ද යන්නයි.

1. Eyelet curtains

මෙම තිර රෙදි  ඒකාකාර රැලි වලින් යුක්ත අතර ඉහළ සිට බිම් මට්ටම දක්වා  දිවෙන තිර රෙදි  ඔබේ නිවසට සම්භාව්‍ය පෙනුමක් එක් කරයි. මෙය තිරස් අතට සවි කර ඇති ආධාරකය මත ලෝහ  මුදු මගින් එල්ලා ඇත. මෙම වර්ගය ඉතාමත් සරල වුවත්, කවුළුව පරිපූර්ණ ලෙස රාමු කරයි. ඔබේ තේරීම අනුව තිරරෙදි සාදා ඇති ද්‍රව්‍ය සැහැල්ලු හෝ බර විය හැකිය. තනි වර්ණ, විවිධ රටාවලින් යුක්ත සහ ලේස් වලින් නිර්මාණය කරන ලද තිර රෙදි මිලදී ගත හැකිය.

2. Box pleat curtains

මෙම තිර රෙදි වර්ගය මගින් වෙනත් තිරරෙදි වල ඉහළ කොටසේ ඇති ඉලිප්පුණු ස්වභාවය අවම කරයි. එය මසා නිම කර ඇත්තේ කොටුවක් හැඩති නැවුම් සහිත රැලි මතුපිටින් දිස්වන ආකාරයටයි. මෙලෙස මසා ගැනීමට රෙදි කැබැල්ලේ පිටුපසින් තනි රැල්ලක්, පුඩුවක් ආකාරයට මසා එක්තරා මට්ටමකට සමතලා කර ගැනීමෙනි.  මෙම තිර රෙදි වර්ගය බොහෝ විට භාවිතා කරනුයේ නිවාසවල සමමිතික හා ජ්‍යාමිතික ස්වරූපය ඉස්මතු කර පෙන්වීම සඳහාය.

3. Pinch pleat curtains

නමේ සඳහන් වන ආකාරයටම එම තිරරෙදි ශීර්ෂ කොටසේදී එක්කර මසා ඇති අතර තිර රෙද්ද ඉතිරි කොටස  ඉතා අලංකාරව කඩා හැලෙනු දැකගත හැකිය. මෙම තිර රෙද්ද ආධාරක වර්ග දෙවර්ගයේම එල්ලා තැබිය හැකිය. මේ සඳහා ලෝහ මුදු හෝ කොකු භාවිතා කළ හැක. ඉහළ දී එකතු වූ කොටස්  මසා ගැනීමට ඉතා කුඩා රැලි තුනක් හෝ හතරක් පමණ එකට අල්ලා මසා ගනු ලබයි.

4. Tab Top curtains

මෙම තිරරෙදි වර්ගයේ ලෝහ මුදුවක් වෙනුවට ,තිර රෙද්දේ ශීර්ෂයට ම සම්බන්ධ කර මසන ලද පුඩුවක් යොදාගෙන  ආධාරකය රඳවනු ලබයි. මෙලෙස නිමවා ගත් තිර රෙදි වල පැරණි ස්වභාවයක් තිබෙන නිසා ඒවා ගොඩක් විට සාම්ප්‍රදායික නිවෙස් වල භාවිතය සඳහා සුදුසුය. අනෙක් වර්ග සමඟ සසඳන විට මෙය තරමක සාමාන්‍ය පෙනුමක් ලබා දීමට නැඹුරු වේ. රෙදි පුඩුවක ඒවා රඳවා තබා ඇති හෙයින්, භාවිතය  සහ කල් පවතින බව තීරණය කරන්නේ තිරරෙද්ද නිතරම වැසෙන  සහ විවෘත වන ප්‍රමාණය අනුවයි.

5. Pencil pleat curtains

මෙම තිර රෙදි වල විශේෂත්වය නම් එහි ශීර්ෂයේ ඇති මැහුම්, එක දිගට තබා ඇති පැන්සල් පේළියක රටාවක් පෙන්නුම් කිරීමයි. මෙම රටාව ලබාගැනීම සඳහා තිර රෙද්ද ශීර්ෂය හරහා තිරස් නූල් පේලි කිහිපයක් යවා මසා ඇත. මෙම තිර රෙද්ද ආධාරකයට සවි කිරීම සඳහා ශීර්ෂය පිටිපසින් නූල් මැහුම්, ලෝහ මුදු වලට අමුණා ඇත. එම ලෝහ මුදු ආධාරකයේ එල්ලා ඇත. මෙම තිර රෙද්ද ඇති අවාසිය නම් එය නඩත්තු කිරීමේදී සහ පිරිස්ිදු කිරීමේදී, ශීර්ෂය ප්‍රදේශයේ ඇති නූල් තද කිරීම සහ ලිහිල් කිරීම් නිතරම සිදු කිරීමට සිදුවීමයි.

තිරරෙදි තෝරාගැනීමේදී සලකා බැලිය යුතු කරුණු

තිර රෙදි තෝරා ගැනීමේදී, ඔබ මුලින්ම තමන්ගේ අවශ්‍යතාවයට ගැලපෙන ආකාරයට තිර රෙදි තෝරා ගත යුතුයි.  මෙලෙස තෝරා ගැනීමේදී සලකා බැලිය යුතු කරුණු කිහිපයක් පහත දක්වා ඇත.

1. වර්ණය

නිවසේ තේමාව සමඟ ගැලපෙන වර්ණයක් තෝරා ගැනීමෙන් ඔබට සෑම කාමරයකටම සුවිශේෂත්වයක් එක් කළ හැකිය. අඳුරු තේමාත්මක නිවසක් සඳහා විචිත්‍රවත් වර්ණ භාවිතා කිරීමෙන් එහි ස්වරූපය නැති වී යයි. ඔබේ අභ්‍යන්තර වර්ණ (colour tone) සමඟ ගැලපීමට සැමවිටම උත්සාහ කරන්න. අධික හිරු එළියක් තිබීම නිසා වර්ණ මැකී යයි. එබැවින්, එවැනි වර්ණවලින්  ඈත්වී සිටීම වඩා හොඳය. ඔබ ස්වභාවික හිරු එළිය ඔබගේ නිවස තුලට ලබාගැනීමට කැමති පුද්ගලයෙක් නම්  තිර රෙදි තෝරා ගැනීමේදී,  සැහැල්ලු ඝන නොවන තිරරේදි  තෝරගන්න. නමුත් ඔබ ස්වභාවික හිරු එලියට අකමැති පුද්ගලයෙක් නම් ඝන, තද පැහැ තිර රෙදි භාවිතා කොට ස්වභාවික හිරු එළිය නිවසට පතිත වීම වළක්වා ගත හැක.

2. රෙදිවර්ග

තෝරාගත් තිර රෙදි  විවිධ වර්ග වලින් පැමිණේ. ලිනන්, සිල්ක් සහ වෙල්වට් සමහර වර්ග වේ. කල්පපැවැත්ම යනු රෙදි මිලදී ගැනීමේදී සලකා බැලිය යුතු වැදගත්ම කාරණයයි  ඔබ වසරෙන් වසර තිරරෙදි වෙනස් කිරීමට සැලසුම් නොකරන්නේ නම්, තාපය, තෙතමනය සහ දූවිලි වලට ඔරොත්තු දෙන ආකාරයේ තිර රෙදි මිලට ගැනීම වඩා සුදුසුය.

රෙදිපිළි සියල්ලක්ම පාහේ කාලයත් සමග වියැකී යයි. එසේ වීමට යන කාලය ද්‍රව්‍ය අනුව වෙනස් වේ. එම නිසාම තෝරාගැනීමේ දී ඥානවන්ත තීරණයක් ගත යුතුය. රෙදිපිළි තනි හෝ බහු වර්ණ හෝ රටා සහිත විය හැකිය. රටාවන් තෝරාගැනීමද පහසු කර්තව්‍යයක් නොවේ. මන්ද ඔබ තෝරා ගන්නා රටාව  අනුව නිවැසියන්ගේ අවධානය යොමුවන ස්ථාන වෙනස් විය හැක. මල් , කොළ හෝ තිත් සහිත වූ සරල රටාවන්, විචිත්‍රවත් රටාවන්ට වඩා නිවස අලංකරණය කිරීමට ඇති හැකියාව වැඩිය. ඔබ නිවසේ ඇති ගෘහ භාණ්ඩ තනි වර්ණ ගෘහභාණ්ඩ නම් ,තෝරාගන්නා තිරරෙදි රටාවලින්  සමන්විත ඒවා තෝරාගන්න. නමුත් ඔබ නිවසේ ගෘහභාණ්ඩ රටාවන් සහිත ගෘහ භාණ්ඩ නම් තනි වර්ණයෙන් යුත් තිරරෙදි තෝරාගැනීම වඩා සුදුසුය.

3. මිනුම් ලබා ගැනීම

කවුළු ප්‍රමාණය මැනීමේදී ආධාරකය  රඳවන ස්ථානය ඔබ තීරණය කළ යුතුය. ජනේල රාමුවේ ඉහළ දාරයේ සිට ආධාරකය තෙක් ගත යුතු සාමාන්‍ය දුර අඟල් හයක් හෝ අටක් පමණ වේ. එවිට එතැන් සිට ඔබ කවුළුවේ පහළට උස මැනිය යුතු අතර මිනුම් සඳහා තවත් අඟල් කිහිපයක් එකතු කරන්න. ජනේලයේ  තිරස් මිනුම අඟල් හතරේ සිට අට දක්වා වෙනස් වේ. කාමරයට ඇතුළු වන ආලෝකයේ ප්‍රමාණය කළමනාකරණය කිරීමට මෙම මිනුම් වැදගත්ය. ඔබට තිරරෙදි බිම් මට්ටම දක්වා අවශ්‍යද නැද්ද යන්න තීරණය කිරීමට නම් තිරරෙදි ස්ථානයේ දෛනික ක්‍රියාකරකම් පිළිබඳව අවධානය යොමු කළ යුතුය.

4. වෙනත් උපාංග

තිරරෙදි නිවස තුළ සැකසීමේදී අවශ්‍ය වන උපාංග කිහිපයක් ඇත .දොරක් හරහා තිරරෙදි දමා තිබීම බොහෝ විට කරදරකාරී වේ. නිතරම ඒ හරහා ගමන් කිරීමට යන අයට බාධාවක් විය හැකිය. එම නිසා මෙය මඟහරවා ගැනීමට පහසුම ක්‍රමය නම් Tie back භාවිතා කිරීමයි. මෙය භාවිතා කිරීමෙන් තිර රෙද්ද එක් පසකට හෝ දෙපසටම වෙන් කර ගැට ගසා තැබිය හැක. සමහර විට එය කේන්ද්‍රගතද විය හැකිය. මෙම ක්‍රමය මඟින් තිරරෙදි බොහෝ කල්  භාවිතයට ගත හැක. Tie back සදහා තිර රෙදි වලින්ම සෑදූ රෙදි තීරුවක් හෝ tassel යෙදූ රෙදි තීරුවක් මගින් විචිත්‍රවත් භාවය ඔප්නංවා ගත හැකිය.

තිර රෙදි එල්ලීම සම්බන්ධයෙන් ගත් කල, ප්‍රධාන ආධාරක වර්ග දෙකක් ඇත. ඉන් එකක් නම් පුඩු එල්ලීමට භාවිතා කරන ලී හෝ ලෝහ දණ්ඩයි. අනෙක් නම් track ලෙස හඳුන්වන කොකු භාවිතයෙන්  තිරරෙදි  එල්ලා තැබීමට පාවිච්චිකරන ආධාරක යයි. curtain brackets දඬු වර්ගයේ ආධාරක රඳවා තැබීමට භාවිතා කරයි. මෙම brackets විවිධ මෝස්තරවලින් තෝරාගත හැක.